ئىراقتا ئۆزىنى قوشۇپ پارتلىتىش يۈز بېرىپ كۆپ ئادەم ھاياتىدىن ئايرىلدى

مۇخبىرىمىز ئۈمىدۋار
2016-03-06
Share


بب بس ئاگېنتلىقى يەكشەنبە كۈنى ئىراق پايتەختى باغدادنىڭ جەنۇبىدىكى خىلادىكى بىر تەكشۈرۈش پونكىتىدا ماي توشۇپ ماڭغان بىر يۈك ئاپتوموبىلى پارتلاپ، ئاز دېگەندە 47 ئادەم ئۆلگەن ۋە نەچچە ئون كىشى يارىلانغانلىقىنى خەۋەر قىلغان ئىدى.

ئارقىدىن رويتېرس ئاگېنتلىقىنىڭ خەۋەر قىلىشىچە، بۇ بىر ئۆزىنى ئۆلتۈرۈش خاراكتېرلىق پارتلىتىش ھۇجۇمى بولۇپ، ئۆلگەنلەرنىڭ سانى ئاز دېگەندە 60 قا، يارىلانغانلار 70 كە يەتكەن. «ئىسلام دۆلىتى» بۇ ۋەقەنى زىممىسىگە ئالغان.

ئۆلگەنلەرنىڭ مۇتلەق كۆپچىلىكى پۇقرالار، ئاز قىسىم ساقچىلار ئىكەن. پارتلاش تەكشۈرۈش پونكىتىدا ئادەم كۆپەيگەن، بىر قانچە ئونلىغان ئاپتوموبىللار نوۋەت كۈتۈپ تۇرغان پەيتتە يۈز بەرگەن.

ب ب س نىڭ بىلدۈرۈشىچە، ئۆتكەن ئايدا ئىراقتا 670 ئادەم ھۇجۇملاردا ئۆلگەن بولۇپ، بۇنىڭ ئۈچتىن ئىككى قىسىمىنى تىنچ پۇقرالار تەشكىل قىلىدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت