Ирақта өзини қошуп партлитиш йүз берип көп адәм һаятидин айрилди

Мухбиримиз үмидвар
2016-03-06
Share


Бб бс агентлиқи йәкшәнбә күни ирақ пайтәхти бағдадниң җәнубидики хиладики бир тәкшүрүш понкитида май тошуп маңған бир йүк аптомобили партлап, аз дегәндә 47 адәм өлгән вә нәччә он киши яриланғанлиқини хәвәр қилған иди.

Арқидин ройтерс агентлиқиниң хәвәр қилишичә, бу бир өзини өлтүрүш характерлиқ партлитиш һуҗуми болуп, өлгәнләрниң сани аз дегәндә 60 қа, яриланғанлар 70 кә йәткән. "ислам дөлити" бу вәқәни зиммисигә алған.

Өлгәнләрниң мутләқ көпчилики пуқралар, аз қисим сақчилар икән. Партлаш тәкшүрүш понкитида адәм көпәйгән, бир қанчә онлиған аптомобиллар новәт күтүп турған пәйттә йүз бәргән.

Б б с ниң билдүрүшичә, өткән айда ирақта 670 адәм һуҗумларда өлгән болуп, буниң үчтин икки қисимини тинч пуқралар тәшкил қилидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт