"ирақ - шам дөлити" қораллиқ күчлириниң япон пуқрасини өлтүргәнлики хәвәр қилинмақта

Мухбиримиз җүмә
2015-01-24
Share


Японийә баш вәзири шинзо абе бу һәқтики филимни "бимәнә вә кәчүргили болмайду" дәп әйиблигән.

У йәнә японийәниң терроризмға тәслим болмайдиғанлиқини билдүргән.

Сәйшәнбә күни қораллиқ күчләр әгәр японийә даирилири 72 саәт ичидә 200 милйон доллар бәрмисә, гөрүгә еливалған япон пуқралиридин юкава әпәнди вә кәнҗи готоларни өлтүридиғанлиқини елан қилған.

Қораллиқ күчләр йеңи елан қилған филимдә гото әпәндиниң юкаваниң җәсити тартилған бир парчә рәсимни көрситип туруп, өзини қутулдурувелишни мураҗиәт қиливатқанлиқи көрситилгән.

Японийә ички кабинети баш катипи йошиһиде суга әпәнди мәзкур филимгә қаттиқ етираз билдүридиғанлиқини ейтқан вә кәнҗи гото әпәндимниң дәрһал қоюп берилишини тәләп қилған.

Кәнҗи гото японийилик даңлиқ һөҗҗәтлик филим мухбири болуп, у сүрийәгә хәвәр ишләшкә берип йоқап кәткән. юкава әпәнди болса сүрийәгә шәхсий һәрбий әслиһәләр тохтам ширкити қуруш үчүн берип гөрүгә чүшүп қалған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт