"Iraq - sham döliti" qoralliq küchlirining yapon puqrasini öltürgenliki xewer qilinmaqta

Muxbirimiz jüme
2015-01-24
Share


Yaponiye bash weziri shinzo abé bu heqtiki filimni "Bimene we kechürgili bolmaydu" dep eyibligen.

U yene yaponiyening térrorizmgha teslim bolmaydighanliqini bildürgen.

Seyshenbe küni qoralliq küchler eger yaponiye da'iriliri 72 sa'et ichide 200 milyon dollar bermise, görüge éliwalghan yapon puqraliridin yukawa ependi we kenji gotolarni öltüridighanliqini élan qilghan.

Qoralliq küchler yéngi élan qilghan filimde goto ependining yukawaning jesiti tartilghan bir parche resimni körsitip turup, özini qutulduruwélishni muraji'et qiliwatqanliqi körsitilgen.

Yaponiye ichki kabinéti bash katipi yoshihidé suga ependi mezkur filimge qattiq étiraz bildüridighanliqini éytqan we kenji goto ependimning derhal qoyup bérilishini telep qilghan.

Kenji goto yaponiyilik dangliq höjjetlik filim muxbiri bolup, u süriyege xewer ishleshke bérip yoqap ketken. Yukawa ependi bolsa süriyege shexsiy herbiy esliheler toxtam shirkiti qurush üchün bérip görüge chüshüp qalghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet