Ақсарай ирақ урушиниң хата болғанлиқини етирап қилди

Мухбиримиз қутлан
2015-05-18
Елхәт
Пикир
Share
Принт

Бирләшмә агентлиқниң бүгүнки хәвиригә қариғанда, ирақ уруши йүз берип он нәччә йиллар өткәндә америка сиясийонлири ахири униң «бир хаталиқ» болғанлиқини етирап қилған.

Мәлумки, 2003-йили америкиниң ираққа қозғиған уруши давамида 4491 нәпәр америка әскири билән санақсиз ирақлиқлар һаятидин айрилған. Бу уруш ирақ дөлити вә хәлқигә узаққа созулған тинчсизлиқ һәмдә ханивәйранчилиқ селипла қалмастин, бәлки йәнә америкиниң универсал дөләт күчи билән иқтисадиниму хоратқан.

Америкидики хәлқ райини синаш тәкшүрүшлириму ирақ урушиниң әмәлийәттә америка үчүн мәғлубийәтлик уруш болғанлиқини көрсәткән.

Вақитниң өтүши билән америка сиясийонлири җумһурийәтчиләрдин болған америка президенти җорҗи бушниң 2003-йили «хата һалда» ирақ урушини қозғиғанлиқини һес қилишқа башлиған. Һилари килинтон ханимму өзиниң 2002-йили америка дөләт мәҗлисидә «хата һалда» ирақ уруши үчүн беләт ташлиғанлиқини етирап қилған.

Пикирләр (0)
Share
Толуқ бәт