Aqsaray iraq urushining xata bolghanliqini étirap qildi

Birleshme agéntliqning bügünki xewirige qarighanda, iraq urushi yüz bérip on nechche yillar ötkende amérika siyasiyonliri axiri uning “Bir xataliq” bolghanliqini étirap qilghan.

Melumki, 2003-yili amérikining iraqqa qozghighan urushi dawamida 4491 neper amérika eskiri bilen sanaqsiz iraqliqlar hayatidin ayrilghan. Bu urush iraq döliti we xelqige uzaqqa sozulghan tinchsizliq hemde xaniweyranchiliq sélipla qalmastin, belki yene amérikining uniwérsal dölet küchi bilen iqtisadinimu xoratqan.

Amérikidiki xelq rayini sinash tekshürüshlirimu iraq urushining emeliyette amérika üchün meghlubiyetlik urush bolghanliqini körsetken.

Waqitning ötüshi bilen amérika siyasiyonliri jumhuriyetchilerdin bolghan amérika prézidénti jorji bushning 2003-yili “Xata halda” iraq urushini qozghighanliqini hés qilishqa bashlighan. Hilari kilinton xanimmu özining 2002-yili amérika dölet mejliside “Xata halda” iraq urushi üchün bélet tashlighanliqini étirap qilghan.