Iraqtiki jihadchilar ichidin “Bir xitay puqrasi tutuwalghanliqi” xewer qilinmaqta

Muxbirimiz jüme
2014-09-06
Share


Amérika CNN xewerler torining iraq axbaratliridin neqil élip xewer qilishiche, iraq hökümet da'iriliri iraq hökümitige qarshi jeng qiliwatqan jihadchilar ichidin bir xitay puqrasini tutuwalghanliqini ashkarilighan.

Xewerde mezkur tutqunning iraq we süriye térritoriyiside jeng qiliwatqan “Iraq, sham islam döliti” ning jengchisi ikenliki ilgiri sürülgen.

CNN De neqil qilishiche, bu heqtiki so'allargha jawab bergen xitay diplomatiye ministirliqi bayanatchisi chin gang: biz bu heqtiki uchurlarning rast - yalghanliqini téxi delilliyelmiduq, dégen.

CNN Ning ziyaritini qobul qilghan xitay mulahizichi wéktor gaw bularning Uyghur bolushi mumkinlikini ilgiri sürgen.

Halbuki, nöwette mezkur tutqunning rastinila xitay puqrasi ikenliki yaki emesliki, eger shundaq bolsa qaysi millettin ikenliki resmiy qanallar arqiliq delillenmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet