Jenubiy amérika baptistlar jem'iyiti Uyghurlar uchrawatqan irqiy qirghinchiliqni eybligen

Muxbirimiz jewlan
2021-06-29
Share

"Bügünki xiristiyanlar" torining 28-iyun xewer qilishiche, jenubiy amérika baptistlar jem'iyiti (SBC) rim papasi fransis bilen birlikte bir qarar maqullap, Uyghurlar uchrawatqan ziyankeshlikini "Irqiy qirghinchiliq" dep békitken.

Mezkur jem'iyetning 15 ming wekili we elchiliri "Uyghur irqiy qirghinchiliqi" heqqide sunulghan 8-nomurluq qararda orun alghan kishilik hoquq doklatliri we ispatlarni etrapliq muzakire qilip, xitayning jinayitining heqiqetenmu irqiy qirghinchiliq ikenlikide birlikke kelgen.

Jenubiy amérika baptistlar jem'iyiti ilahiyet institutining doktori grifin galij bu qarar layihesini teyyarlighuchi bolup, u özining tiwittér hésabida mundaq dep yazghan: "Xitay hazirqi zaman tarixidiki eng éghir kishilik hoquq depsendichiliki jinayitini sadir qildi. Dunyadiki nurghun insanlar xitaydin iqtisadiy menpe'et alghachqa uninggha héchnéme déyelmeywatidu".

Jenubiy amérika baptistlar jem'iyiti bu qararnamide xitayni biwasite tilgha élip: "Xitay hökümiti Uyghurlargha yürgüzüp kéliwatqan irqiy qirghinchiliqini derhal toxtitip, ularning tengri bergen hoquqini eslige keltürüshi, ularni keng kölemlik qamash, qiynash qilmishlirini ayaghlashturushi kérek," dep chaqiriq qilghan.

Jenubiy amérika baptistlar jem'iyiti 1845-yili qurulghan bolup, amérikadiki eng chong protéstant dini, shundaqla ikkinchi chong xiristiyan dini mezhipi hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet