Америка б д т 3-комитетиниң йиғинида хитайниң уйғурларға ирқий қирғинчилиқ қиливатқанлиқини тәнқид қилди

Мухбиримиз әркин
2021-10-05
Share

Б д т ниң 3-комитети йәни "‍иҗтиимаий, инсанпәрвәрлик вә мәдәнийәт комитети" ниң 4-өктәбир өткүзүлгән йиғинида, американиң б д т да турушлуқ баш әлчиси линда томас гренфелд, хитайниң уйғурларға қарита "ирқий қирғинчилиқ" вә "инсанйәткә қарши җинайәт" садир қиливатқанлиқини тәнқид қилған. Гренфелдниң тәкитлишичә, хитай кишиләрниң диққитини "шинҗаңда йүз бериватқан ирқий қирғинчилиқ вә инсанлиққа қарши җинайәттин башқа яққа йөткәшкә тиришмақта" икән.

Гренфелд ханим, американиң бир милйондин артуқ уйғур вә аз санлиқ милләтләр тутуп туруш лагерлирида йетиватқан шинҗаңдики әһвалларға һәргиз сүкүт қилмайдиғанлиқини ейтқан. У мундақ дегән: "хитайда, хитай хәлқ җумһурийити диққәтни шинҗаңда йүз бериватқан ирқий қирғинчилиқ вә ‍инсанийәткә қарши җинайәттин башқа яққа бурашқа урунмақта. Биз бир милйондин артуқ уйғур вә башқа етник һәм диний аз санлиқ милләтләр тутуп туруш лагерлириға қамалған әһвалда һәргиз буниңға сүкүт қилмаймиз".

Йиғинда йәнә германийәниң б д т да турушлуқ баш әлчиси антийе линдертисму сөз қилип, уйғур елидики кишилик һоқуқ дәпсәндичиликиниң еғир җавабкарлиққа тартилидиғанлиқини агаһландурған. У, явропа иттипақиниң кишилик һоқуқ җаза механизми мақуллиғанлиқи, еғир кишилик һоқуқ дәпсәндичилики садир қилғучиларни җавабкарлиққа тартилидиғанлиқи билдүрүп: "бу даиридә хитайдики болупму шинҗаңдики кишилик һоқуқ вәзийитигә болған қаттиқ әндишимизни ипадиләймән" дегән.

Америка вә германийә вәкиллириниң сөзи хитай вәкилини қаттиқ биарам қилған. Хитайниң б д т турушлуқ баш әлчиси җаң җүн йиғинда дипломатик пәрдишәпни қайрип қоюп, интайин қопал сөзләр биләм америкаға һуҗум қилған. У, ‍америка билән германийәниң барлиқ тәнқидлирини рәт қилип, ‍американиң өз тарихидики хаталиқлар билән йүзлишишини, униң хитайни тәнқидләш салаһийити йоқлуқини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт