2017-Yili Uyghur élige 30 minggha yéqin ixtisasliq xadim lazim ikenliki ashkar qilindi

Muxbirimiz jüme
2017-04-08
Élxet
Pikir
Share
Print

Aliy mekteplerni püttürgen Uyghur yashliriningmu xizmet tépishta qiyniliwatqanliqi ilgiri soriliwatqan peytlerde, Uyghur aptonom rayonluq adem küchi bayliqi we ijtima'iy kapalet nazariti2017-yili Uyghur élige 30 minggha yéqin ixtisasliq xadim jiddiy éhtiyajliq ikenliki ashkarilighan.

Tengritagh torining bu heqtiki xewirige qarighanda, rayondiki her derijilik hökümet organliri, kespiy orunlar, ma'arip we sehiye sahesi qatarliqlar orunlarda nöwette jem'iy 28 ming 137 orun bikar iken.

Xewerde aptonom rayonluq adem küchi bayliqi we ijtima'iy kapalet nazariti bazar bashqarmisining bashliqi jaw chingning éytqanliridin neqil élip körsitishiche, bu yil yene Uyghur élidiki emeliyetchanliq telep qilidighan xizmetlerge bolghan éhtiyajmu körünerlik ashqan.

Uning éytishiche, bu sahegimu 26 ming 154 neper ottura téxnikom sewiyisidiki téxnik xadim lazim iken.

Halbuki, bu orunlarning yerlik Uyghurlarni menpe'etdar qilidighan yaki qilmaydighanliqi hazirche namelum.

Ilgiri radi'omiz igiligen bezi uchurlarda peqet qaramay shehirining özidila aliy mektepni püttürüp ish tapalmay yürgen Uyghur we qazaq yashlirining 5 mingdin ashidighanliqi, da'irilerning bu yashlarning ata-anilirining nidasigha qulaq salmighanliqi bildürülgen.

Bu heqte toxtalghan amérika Uyghur jem'iyitining re'isi ilshat hesenning bildürüshiche, ishsizliq mesilisi Uyghur élidiki chong mesililerning biri bolsimu, emma ish tépishta xitaydin bashqa milletler chetke qéqishqa we kemsitishke uchraydiken.

U mundaq dédi: "Xitay da'iriliri Uyghur élidiki yaxshi ish pursetlirini yerliklerge bérishning ornigha xitay ölkiliridin atalmish mutexessis namida nopus yötkeshni ewzel körüp keldi. Bu Uyghur élidiki naraziliqlarni ulghaytiwatqan amillarning biri. Biz xitay hökümitini yerlik Uyghurlarnimu bu ish pursetliridin behrimen qilishqa chaqirimiz."

Xitay da'iriliri yéqini yillardin buyan Uyghur yéza yashlirini teshkillep"Éshincha emgek küchi" namida xitay ölkilirige yötkigen. Bu Uyghur kishilik hoquq teshkilatlirining naraziliqini qozghighan idi.

Toluq bet