Даириләрниң уйғур вә башқа йәрлик милләтләрниң исим-фамилилирини хитайчә йезиқта қелиплаштуруш пилани хәлқарада инкас қозғимақта

Мухбиримиз қутлан
2016-07-11
Share

Гәрчә уйғур, тибәт, моңғул, қазақ вә башқа аз санлиқ милләтләр исим-фамилилириниң хитайчә йезилиши вә компютер системисиға киргүзүлүшидә нурғун мәсилиләр сақлиниватқан болсиму, лекин бу қийин мәсилиниң бу йилниң ахириғичә “тез сүрәттә һәл қиливетилидиғанлиқи” хәлқарадики көзәткүчиләрниң әндишисини қозғимақтикән.

Б б с ниң 8-июлдики хәвиригә қариғанда, хитай һөкүмитиниң хитайдики аз санлиқ милләтләрниң исим-фамилилириниң хитайчә йезилишини қелиплаштуруш пилани ши җинпиңниң 2015-йили декабирда “милләтләр иттипақлиқи” темиси бойичә сөзлигән нутқидин кейин дәрһал күнтәртипкә қоюлған икән.

Ши җинпиңниң нутқидин кейин хоңкоң даирилири йеңи қарар мақуллап хоңкоңдики оқуғучиларниң хитай чоң қуруқлуқи билән болған чүшиниш вә бирдәкликни күчәйтиш учүн аддилаштурулған хитай хетини өгинишини тәвсийә қилған. Шуниң билән бир вақитта, тибәт вә уйғур аптоном районлуқ даириләрму өз тәвәсидики йәрлик милләтләрниң исим-фамилилириниң хитайчә йезилишини қелиплаштуруш ишини җиддий күнтәртипкә қойған.

Мәлумки, хитай исим-фамилилири адәттә икки яки үч хитайчә сөз билән, әң көп болғандиму 4 хитайчә сөз билән йезилиду. Хитай исим-фамилилириниң пинйин асасидики латинчә һәрпләр билән йезилишиму 10 һәрптин ашмайду. Бундақ әһвалда муһаҗирәттики уйғур зиялийлири уйғур вә башқа аз санлиқ милләтләр исим-фамилилириниң хитайчә йезилишиниң хитай исим-фамилилири өлчимидә қелиплаштурулуш еһтималлиқидин қаттиқ әндишиләнмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт