Firansiye ISIS ni weyran qiliwétishqa wede qildi

Muxbirimiz erkin
2015-11-16
Élxet
Pikir
Share
Print

Firansiye prézidénti hollandé düshenbe küni firansiye parlaméntining birleshme yighinida nutuq sözlep, radikal islami guruh‏- ISIS ni weyran qilishqa wede qildi. U, firansiye parlaméntigha jiddiy haletni 3 aygha uzartish, asasiy qanunni özgertish heqqide qanun teklip layihisi sunushi mumkinlikini bildürgen.

Hollandé, jüme küni parizhdiki meyxana, réstoran, tiyatirxana we tenterbiye meydani qatarliq ammiwi sorunlar térrorluq hujumigha uchrighandin kéyin firansiyede jiddiy halet élan qilghan. 129 Kishi ölgen térrorluq hujum dunyani chöchütüwetken idi.

Hollandé firansiye parlaméntida qilghan sözide, "Biz jiddiy haletke muraji'et qilmay turupmu ishlitidighan zörür tedbirlerge éhtiyajliq" dégen.

Islam döliti parizhdiki hujumning jawabkarliqini üstige élishi bilen firansiye yekshenbe küni süriyening rakka shehiridiki islam döliti nishanlirigha hujum qozghighan. B b s ning ashkarilishiche, firansiye ISIS ning qomandanliq merkizi, ghazatchilarni kütüwélish orni, oq-dora iskilati we meshiq lagérlirini bombardiman qilghan.

Parizhdiki hujum bilen térrorluq türkiyede ötküzülgen 20 dölet bashliqlar yighinining küntertipidiki mesilige aylan'ghan. Yighinda her qaysi eller térrorluqqa qarshi hemkarliqni kücheytishke kélishken, emma süriyege quruqluq qismi ewetmeydighanliqini bildürgen.

Prézidént obama, bashar el es'edning dawamliq hoquq tutup turushigha qarshi ikenlikini bildürgen bolsimu, biraq u "Bizning düshminimiz da'ésh" dégen.

Toluq bet