Düshenbe küni "Islam xelipiliki" qurulghanliqining bir yilliqi ilgiri sürülmekte

Muxbirimiz qutlan
2015-06-29
Élxet
Pikir
Share
Print

"Amérika awazi" ning xewirige qarighanda, düshenbe küni "Iraq-sham islam döliti" ning rehbiri baghdadining "Islam xelipiliki" ning qurulghanliqini élan qilghanliqigha top-toghra bir yil bolghanliqi melum.

Nöwette islam xelipiliki térritoriyesining süriyening sherqiy qismi bilen iraqning gherbiy-shimalidiki rayonlarni öz ichige alidighanliqi xewer qilinmaqta.

Ötken yilidin buyan, iraq-sham islam dölitining herbiy küchliri süriyediki ichki urush we iraqtiki siyasiy krizistin paydilinip süriye we iraq tewesidiki bir qisim muhim sheherlerni arqa-arqidin ishghal qilghan.

Süriye we iraqtiki weziyet ötken yilidin buyan islam döliti qoralliq küchlirining zoriyishi bilen intayin murekkep haletni shekillendürgen. Süriyede urushta ölgenlerning 200 mingdin ashqanliqi, birqanche milyon kishining öy-makanliridin ayrilghanliqi ilgiri sürülmekte.

Besh burjeklik binaning statistikisigha qarighanda, amérika bashchiliqidiki ittipaqdash eller armiyisi hazirghiche bolghan 10 ay dawamida iraq we süriye tewesidiki islam döliti qoralliq küchlirige jem'iy 4800 qétim hawa hujumi élip barghan.

Toluq bet