Amérikadiki musulman teshkilatliri islam hemkarliq teshkilatini xitayning Uyghurlargha qaratqan irqiy qirghinchliqini qollash bilen eyiblidi

Muxbirimiz erkin
2020-12-18
Share

Amérikadiki musulman teshkilatliri özini "Dunyadiki musulmanlarning hemisi" dep kéliwatqan islam hemkarliq teshkilatini xitayning Uyghurlargha qaratqan irqiy qirghinchiliqini qollash bilen eyibligen. Amérika islamiy munasiwetler kéngishini öz ichige alghan bu teshkilatlarning tekitlishiche, islam hemkarliq teshkilatigha eza döletler xitayning küchidin ürkimekte iken. Bu teshkilatlar islam hemkarliq teshkilatini 17-dékabir ötküzülgen Uyghurlar heqqidiki tor yighinida tenqidligen.

"El-jezire téléwiziyesi" ning xewer qilishiche, yighinda amérikadiki musulman tetqiqatchi we kishilik hoquq pa'aliyetchisi ömer sulayman mundaq dégen: "Nahayiti éniqki, xitay musulman dunyasini iqtisadiy jehettin boghuwalghan. Her bir musulman dölitini yalghuz qaldurup, hetta Uyghurlar üchün léwini midirlitishtinmu qorqidighan ehwalgha chüshürüp qoyghan." uning tekitlishiche, "Bezi musulman döletliri pelestin mesiliside léwini qimirlatsimu, biraq Uyghur mesiliside, bolupmu siyasiy panahlan'ghuchilarni qayturush mesiliside zulumgha yardem qilmaqta" iken.

"El-jezire" ning xewiride, kishilik hoquq teshkilatliri Uyghur élida bir milyon musulmanning lagérlargha qamilip, ularning islamiy étiqadi yoqitilishqa uchrighanliqini ashkarlighan bolsimu, lékin islam hemkarliq teshkilatining ular üchün qimirlapmu qoymighanliqi, hetta 2019-yili xitayning "Musulman puqralirigha körsetken ghemxorliqini maxtighanliqi" tekitlen'gen. 17-Dékabir ötküzülgen bu yighin'gha amérikadiki musulman teshkilatlirining wekilliridin bashqa Uyghur kishilik hoquq qurulushi, Uyghur herkiti teshkilatining wekilliri we Uyghur shahitlirimu qatniship söz qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet