Erkin tuniyaz ürümchi noghay meschitige bérip, “Islam dinini xitaychilashturushta ching turush” ni telep qilghan

Muxbirimiz erkin
2022.05.02
Share on WhatsApp
Share on WhatsApp

Pütün dunyadiki musulmanlar 2-may küni 30 künlik ramazan éyini axrlashturup, rozi héytni kütüwalghan bir peytte, Uyghur aptonom rayonining re'‍isi erkin tyuniyaz ürümchi noghay meschiti bilen Uyghur aptonom rayonliq islam jem'iyitige bérip, islamni xitaychilashturushta qet'iy ching turushni telep qilghan.

‍Erkin tuniyazning ürümchidiki noghay meschiti we sh. U a. R. Islam jem'iyitidiki “Wetenperperwer diniy  zatlar” gha éytishiche, ular islamni “Jongxu'a medeniyitining ésl en'enisige mas halda izahlishi”, keng diniy zatlar we étiqatchi ammini “Jongxu'a milliti ortaq éngini shekillendürüshke yiteklishi kérek” iken.

“Shinjang géziti” ning xewer qilishiche, erkin tuniyaz 30-aprél ürümchidiki noghay mestichi bilen Uyghur aptonom rayonluq islam jem'iyitige bérip, yuqiriqi teleplerde bolghan. Xitay hökümiti 2017-yildin bashlap Uyghurlarni keng kölemlik tutqun qilip lagérlargha qamash bilen bir waqitta, islam dinigha qarita xitaychilashturush herikiti bashlap, Uyghurlarning islam étiqadining musulman dunyasi bilen bolghan meniwi béghini üzüp tashlashqa kirishken. Uyghur aptonom rayonining re'isi erkin tuniyazning b d t kishilik hoquq aliy komissari mishél bachélét Uyghur élini ziyaret qilishning harpisida tuyuqsiz ürümchidiki noghay meschiti bilen Uyghur aptonom rayonliq islam jem'iyitini ziyaret qilishi Uyghur weziyitige köngül böliwatqan közetküchilerning diqqitini qozghimaqta.

Erkin tuniyaz mundaq digen: “Yéngi dewrde partiyening shinjangni idare qilish istratégiyesi we partiyining diniy xizmettiki asasiy siyasitini toluq yolgha qoyup, aptonom rayonluq partiye komitétining orunlashturush telipige asasen, shinjangda islam dinini xitaychilashturush yönilishide qet'iy ching turup, dinning saghlam tereqqiyatini ilgiri sürüsh, shinjangda islam dinini sotsiyalistik jem'iyetke téximu yaxshi maslashturushqa aktip yiteklesh kérek.”

Uning éytishiche, Uyghur aptonom rayonluq islam jem'iyiti “Diniy saheni öz-‍özini terbiyelesh, öz özini bashqurush, öz-özini kontrol qilishqa yiteklishi, wetenperwer diniy zatlar qoshuni qurulushini we  qa'ide-tüzümge emel qilishni kücheytishi kérek,” iken. Xitay hökümiti Uyghur élida bu yilliq roza héytning waqtini 5-ayning 3-küni qilip békitken bolsimu, biraq rayondiki taratqularda héyt tentenisige a'it héchqandaq xewer bérilmasliki diqqat qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.