Xitay hökümitining "Islam dinini xitaychilashturush" urunushliri ghulghula qozghimaqta

Muxbirimiz eziz
2018-08-03
Élxet
Pikir
Share
Print

Xitay hökümitining islam dinigha qaratqan bésim qilish heriketlirining Uyghurlar diyaridiki musulmanlar ammisigha qandaq dishwarchiliqlarni peyda qiliwatqanliqi yéqindin buyan yene kishilerning diqqitini qozghimaqta. "Asiya katolik birleshmisi xewerliri" ning 3-awghusttiki bash maqaliside körsitilishiche, islam dinining "Xitaychilishishi" nöwette musulmanlar arisida öz tesirini körsetmekte iken.

Maykil saynizburiy imzasidiki bu maqalida körsitilishiche, xitaydiki islam dinigha qaritilghan basturush herikiti xitay re'isi shi jinping 2015-yilida bashlighan din'gha qarshi urushning bir terkibi qismi iken. Bu "Urush" ta shi jinping gherb tereptin kelgen islam dini we xristi'an dinini "Xitaychilashturush" ni qet'iy telep qilghan. Buning bilen 16 yashtin töwen kishilerning meschitlerge bérishi men'i qilin'ghan؛ meschitlerge xitayning dölet bayraqliri ésilghan؛ meschitlerdiki ezan kanayliri yulup tashlan'ghan؛ islam uslubidiki herqandaq binalar özgertish nishani bolghan.

Maqalida körsitilishiche, shi jinping qozghighan "Din'gha qarshi urush" Uyghurlar rayonida bashqiche tüs alghan. Milyonlighan Uyghurlarning diniy étiqadi yaki diniy étiqad bilen yughurulup ketken turmush adetliri ularning "Öginish merkezliri" namida lagérlargha qamilishigha seweb bolghan. Shuning bilen birge pütkül xitay teweside "Islam wehimisi" yéngiwashtin bash kötürüshke bashlighan. Washin'gton shehiridiki jéymis tawn wexpining xadimliridin mat shradér bu heqte söz qilip "Yéqindin buyan xitayda musulmanlarni haqaretlesh mezmunidiki tor yazmiliri köplep otturigha chiqmaqta. Bu xil 'islam wehimisi' ning wujudqa chiqishigha xitay hökümiti sewebkar bolmaqta" dégen.

Toluq bet