‍Исраилийәниң “харәтиз” гезитидә исраилийә һөкүмити бейҗиң қишлиқ ‍олимпикини байқут қилишқа чақирилди

Мухбиримиз әркин
2021-12-27
Share

Исраилийәниң нопузлуқ гезитлиридин “харәтиз” гезити 27-декабир мақалә елан қилип, ‍исраилийә һөкүмитини хитайниң бейҗиң қишлиқ олимпикини байқут қилишқа чақирилған. Мақалидә, натсистлар германийәсиниң 1936-йилидики берлин олимпики билән хитайниң 2022-йиллиқ бейҗиң қишлиқ олимпики селиштурулуп; “тарих, йәһудий чоң қирғинчилиқи инсанлиққа вә уйғурларға һәмдәмдә болуп, хитайниң зулумға қарши бейҗиң қишлиқ олимпикини дипломатик байқут қилишни тәләп қиливатқан бир пәйттә, исраилийә пәрвасиз қаламду?” дейилгән.

“исраилийә немә үчүн бейҗиңниң ирқий қирғинчилиқ мусабиқисини байқут қилиши керәк?” мавзулуқ бу мақалини “уйғур һәрикити тәшкилати” рәиси рошән аббас билән америкада яшайдиған йәһудий чоң қирғинчилиқи шаһити сами стегман бирлишип қәләмгә алған. Мақалидә: “буниң ирқий қирғинчилиқ җинайитини ашкара ақлаватқан бир һакимийәт тәрипидин елип бериливатқанлиқи”, “әмәлийәттә, бу һакимийәтниң уйғур аяллирини пиланлиқ мәҗбурий туғмас қилип, уларни ‛‍ашқунлуқниң бала туғуш машиниси болуштин азад қилдуқ‚, дәп тәбриклигәнлики” тәкитләнгән.

Мақалидә йәнә: “йәһудий чоң қирғинчилиқиниң ирқий қирғинчилиққа мәлум бир гуруппа ялғуз бәрдашлиқ берәлмәйдиғанлиқини көрсәткәнликии”, бирақ “инсалиқниң барлиқ инсанийәткә ортақ икәнликини етирап қилиш һечқандақ бир гуруппиниң асаси инсанлиқ қәдир-қиммитигә лайиқ әмәс, дәп қаралмаслиқини тәләп қилиш дуняға бағлиқ болуп қалғанлиқи” билдүрүлгән. Мақалидә ейтилишичә, нөвәттә бу савақ шәрқий түркистанда синаққа дуч кәлгән. Мақалидә, гитлерниң 1936-йили берлин олимпикидә дуняға өзиниң күчи вә ирқчи һәйвисини көрситиш арқилиқ натсистлар һөкүмитини қанунлаштурғанлиқи әскәртилип: “бүгүн биз исраилийә вә башқа дөләтләрни бу хаталиқтин савақ елишқа вә (олимпикқа) қатнишишни рәт қилишқа чақиримиз” дейилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт