Istanbul ayrodromida 7 ottura asiyaliq 9 yérim milyon dollar bilen tutulghan

Muxbirimiz ümidwar
2016-11-20
Share


18-Noyabir küni istanbuldiki ata türk ayroportida 7 neper özbékistan we qirghizistan puqrasi neq 9.5 Milyon amérika dollirini chégridin élip kirish jeryanida tutulghan. Mezkur kishiler bu neq pullarni tamozhnigha melum qilmighan iken.

Perghane uchur torining xewer qilishiche, qirghizistan terep bu yette kishining bir nepirining qirghizistan puqrasi ikenlikini bildürgen.

Türkiye saqchi da'iriliri mezkur yette kishi we 9 yérim milyon dollarni maliye jinayetlirini tekshürüsh we birterep qilish orginigha tapshurup bergen.

Nöwette istanbul bixeterlik da'iriliri bundaq zor miqdardiki neq pulni türkiyege élip kirishtiki meqsetler üstide tekshürüsh élip barmaqta iken.

Qirghizistan terep türkiye maliye jinayetlirige qarshi küresh qilish idarisidin tutqun qilin'ghanlarning ehwali we uchurliri heqqide melumat bérishni telep qilghan.

Melum bolushiche, türkiye ottura asiya jumhuriyetlirige wizisiz tüzüm yolgha qoyghan bolup, köp sanda özbékistan we qirghizistan puqrasi türkiyide turup tijaret we bashqa her xil méhnetler bilen shughullinip tirikchilik qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet