Istanbulda xitay pasportluq 2 kishi “Ré'ina qetli'ami”gha chétishliq dep resmiy qolgha élindi

Muxbirimiz erkin
2017-01-13
Share

Istanbul “Ré'ina qetli'ami” gha chétishliq dep tutqun qilin'ghan xitay pasportluq ikki shexs jüme küni istanbulda sot mehkimisige chiqirilip, resmiy qolgha élin'ghan. Mehkime ömer asim, abliz abduhemit isimlik bu ikki shexsni qolgha élishni buyrughan.

Ömer asim bilen abliz abduhemit ötken yili 12‏-ayda tutqun qilin'ghan. Emma 1-iyun “Ré'ina qetli'ami” din kéyin, ularning “Ré'ina qetli'ami” ni élip barghan térrorluq gumandari ebu muhemmet el xurasani bilen chétishliqi barliqi bayqalghan.

Türkiye axbarat wasitilirining xewer qilishiche, abu muhemmet el xurasanining konyada olturghan öyi ömer asimning namida élin'ghan. Abliz abduhemit bilen ömer asim 2016‏-yili 15‏-dékabir türkiyening konya shehiridin yoluchilar aptobusi arqiliq istanbulgha yollan'ghan bir xaltini alghili barghanda tutqun qilin'ghan.

Xewerde, xaltidin tapancha, tapancha oqi qatarliq nersiler bayqalghanliqi, shuning bilen ömer asim bilen abliz abduhemit istanbul esenler aptobus békitige xaltini alghili barghanda tutqun qilin'ghanliqi bildürülgen.

Türk axbarati ilgiri türk amanliq organliridin neqil keltürüp bergen xewerliride, abu muhemmet el xurasanining bir mezgil konyada turghanliqi, uning 15‏-dékabir istanbulgha kelgenlikini ilgiri sürgen.

Deslepki mezgilde, türk axbarati we bezi hökümet emeldarliri gumandarni Uyghur dep élan qilishi Uyghur teshkilatlirining qattiq naraziliqini qozghighan. Netijide, da'iriler gumandarning özbékistanliq abduqadir masharipof ikenlikini élan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet