Istambulda yighilish ötküzülüp, shéhitlar xatirilendi

Muxbirimiz ümidwar
2016-08-08
Élxet
Pikir
Share
Print

Yekshenbe küni türkiyening istambul shehiride zor sandiki kishiler yighilish ötküzüp, aldinqi ayda yüz bergen herbiy siyasiy özgirishni eyibligen, yighilishqa türkiye prézidénti rejep tayip erdoghanmu qatniship söz qilghan.

B b s agéntliqining xewer qilishiche, "Démokratiye we shéhitlar yighilishi" dep atalghan bir qanche yüzmingdin artuq adem qatnashqan yighilishta söz qilghan prézidént erdoghan 15 - iyul siyasi özgirishi qozghighanlar jümlidin fetulla gülenni qattiq eyibigen. Türkiye bash ministiri binali yildirm sözide fetulla gülenni türkiye sotigha élip chiqish lazimliqini ilgiri sürgen.

Yighilishta herbiy terep wekili we bashqa partiye rehberlirimu söz qilip siyasi özgirish qozghighanlarni eyibligen.

Türkiye radi'osining xewer qilishiche, istanbuldiki yenikapi meydanida ötküzülgen yighilishqa milletchi herket partiyisi, jumhuriyet xelq partiyisi qatarliq öktichi partiyelerning rehberliri we ezaliri qatnashqan.

Meydanda, shéhitler üchün bir minut sükütte turulghandin kéyin a istiqlal marshi oqulghan shuningdek 15 - iyul shéhitliri üchün birlikte du'a qilin'ghan.

Melum bolushiche, bu xil démokratiye we shéhitlar yighilishi pa'aliyiti buningdin kéyinmu dawamliq ötküzilidiken. Istanbuldiki yighilishqa qatnashqanlarning hetta milyon kishidin éshishi mumkinliki perez qilinmaqta.

Toluq bet