Randiy shraywérning istépa bérishi ghulghula qozghidi
2019.12.12
Amérika dölet mudapiye ministirliqining yardemchi ministiri randiy shraywér 12-dékabir küni resmiy istipa bergenlikini jakarlighandin kéyin her sahening zor derijidiki heyranliqigha seweb boldi.
“Chet'el siyasiti” zhurnilining 12-dékabirdiki xewiride éytilishiche, randiy besh burjeklik binaning istratégiyelik diqqet merkizini ottura sherqtin xitaygha burashta zor rol oynighan bolup, “Xitay lachini” dep nam alghan iken. Yardemchi ministir randiy shraywér besh burjeklik binadiki xizmet tarixida omumen ijabiy bahalargha ériship kelgen bolup, ilgiri yene mu'awin tashqi ishlar ministiri bolupmu ishligen iken. U yene xitay hökümitining Uyghurlargha qandaq ziyankeshlik qiliwatqanliqi hemde ularni qandaq basturuwatqanliqi heqqide deslep bolup ashkara söz qilghan yuqiri derijilik amérika emeldarlirining biri iken.
“Mudapi'e xewerliri” gézitining 12-dékabirdiki xewiride éytilishiche, randiy shraywérning istépa bérishi asasliqi uning “Shexsiy turmushi” seweblik bolup, u hazirche yéngidin qurup chiqqan a'ilisi üchün bu qararni alghan bolushi mumkin, dep qaralmaqta iken.