Xitay hökümitining Uyghurlar diyaridiki étibar siyasetliri guman qozghimaqta

Muxbirimiz eziz
2020.10.06

Xitay hökümiti yéqinda türlük “Yölesh we yardem” tedbirliri arqiliq Uyghurlar diyaridiki ishqa orunlishish yollirining “Téximu rawan we keng” bolushini ishqa ashuridighanliqini bildürdi.

“Tengritagh tori” ning 5-öktebirdiki xewiride éytilishiche, Uyghur aptonom rayonluq adem küchi bayliqi we ijtima'iy kapalet nazariti bu jehette yéngi shirket achqanlargha qerz bérish, étibar bérish da'irisini kéngeytish, baj miqdarini azaytish, aliy mektepni püttürgen oqughuchilargha étibar bérish dégendek bir qatar siyasetlerni yolgha qoyidighanliqini bildürgen. Shundaqla tajsiman wirusining tesirige uchrighan tijaretchiler, réstoran, méhmanxana we sayahet nuqtilirigha iqtisadiy yardem béridiken.

Emma weziyettin xewerdar kishiler nöwette Uyghurlar diyarida soda-sana'et sahesi hemde ma'arip saheside ishlewatqanlarning pütünley ichkiridin qobul qilin'ghan xitaylar ikenlikini, bu xildiki étibar siyasetlirining emeliyette yenila ashu xitay kadirlar qoshunining menpe'etini kapaletke ige qilidighanliqini bildürdi. Muhajirettiki Uyghur analizchilar bolsa bu heqte pikir qilip “Xitayning saqchi döliti sistémisi nurghun xitay kadirlirining ichkirige qaytip kétishige seweb bolghan. Ular mushu arqiliq bu jaydiki xitay kadirlarni maddiy jehettin razi qilmaqchi boluwatidu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.