Xitayda bir türküm erzdarlar jaw ziyangning namini eslige keltürüshni telep qilghan

Muxbirimiz shöhret hoshur
2013-10-18
Élxet
Pikir
Share
Print

17‏-Öktebir xitayning herqaysi ölkiliridin béyjinggha kelgen bir türküm erzdarlar xitayning sabiq dölet re'isi jaw ziyang tughulghanliqining 94 yilliqini xatiriligen.

Xatire künide jaw ziyangning burun olturghan qorusi aldigha toplan'ghan erzdarlar, sham yéqip jaw ziyanggha du'a qilghan.

Radi'omiz xitayche bölümining xewer qilishiche, bu xatirilesh pa'aliyitige jilin we xubéydin kelgen bir qisim erzdarlardin bashqa yene, jaw ziyangning burunqi xizmetdashliri we dostlirimu ishtirak qilghan. Melum bolushiche, ular jaw ziyangning ikkinchi oghli jaw érjün bilen körüshüp jaw ziyanggha bolghan hörmitini bildürüshken.

Shu küni yene bir türküm erzdarlar bir poyiz istansisi aldida toplinip jaw ziyangni xatiriligen.

Qollirida lozunka kötürüshken bu erzdarlar, xitay nöwettiki dölet rehberliridin jaw ziyangning namini eslige keltürüshni telep qilghan.

Xatirilesh pa'aliyitide, 1989-yilidiki tiyen'enmén oqughuchilar weqeside jaw ziyangning oqughuchilarni qanliq basturushqa qarshi turghanliqidek heqiqetchiliki we adaletperwerlikige apirin oqushqan.

Toluq bet