Jéjiyang ölkisining aqsu wilayitige 15 milyard yüen meblegh sélishi diqqet qozghidi

Muxbirimiz irade
2020-06-11
Élxet
Pikir
Share
Print

Xitayning jéjiyang ölkisi aqsu wilayitide 30 din artuq sana'et türige 15 milyard yüen meblegh salidiken. Xitay hökümiti Uyghurlarni Uyghur élining ichi we sirtida "Ishqa orunlashturush" namida mejburiy emgekke séliwatqan bir mezgilde aqsugha bundaq zor miqdarda meblegh sélinishi diqqet qozghidi.

Shinxu'a torining bu heqtiki xewirige qarighanda, bu yil aqsu wilayiti we bingtu'en'ge qarashliq aral shehirining jéjiyang ölkisige bölüp bérilgenlikige 10 yil tolghan bolup, ikki terep bundin kéyinki hemkarliqlirini yenimu kücheytish üchün aqsu wilayitide qattiq détal sana'et baghchisi, pul-mu'amile soda merkizi we yangaq pishshiqlap ishlesh, toqumichiliq we kiyim-kéchek, énérgiye menbelirini échish, 5G téxnikisini omumlashturush qatarliq saheler boyiche kélishken. Bu türlerge sélinidighan mebleghning omumiy qimmiti 15 milyard yüendin éship kétidiken.

Xewerde jéjiyang ölkisi aqsu wilayitige 10 yildin buyan 60 milyard yüen'ge yéqin "Yardem bergen" liki we 96 mingdin artuq ish orni yaratqanliqi ilgiri sürülgen, biraq jéjiyang ölkisining buningdin qanchilik payda alghanliqi we bu xizmet orunlirida kimlerning ishqa orunlashqanliqi éniq tilgha élinmighan.

Chet'ellerdiki Uyghur közetküchiler hazir Uyghur emgek küchliri hedep töwen ma'ash bilen mejburiy emgekchilerge aylanduruluwatqan bir mezgilde xitay karxanilirining hessilep payda élish üchün Uyghur élige köplep kiriwatqanliqini eskertip, Uyghur élidiki mejburiy emgek mesilisige xelq'araning diqqitini tartishning zörürlükini tekitleshti.

Toluq bet