Mayk pompéyo sherqiy-jenubiy asiya döletliri yighinida xitayni tenqidligen

Muxbirimiz erkin
2020-04-24
Élxet
Pikir
Share
Print

Amérika tashqi ishlar ministiri mayk pompéyo 23-aprél sherqiy-jenubiy asiya döletlirining tashqi ishlar ministirlirigha dunya korona wirusi yuqumi bilen aldirash bolup ketken bir peytte xitayning bu weziyetni gheniymet bilip, jenubiy déngizda zémin kéngeymichilikige kirishkenlikini bildürgen.

Birleshme agéntliqining xewer qilishiche, pompéyo bu sözlerni 23-aprél küni sherqiy-jenubiy asiyadiki 10 döletning tashqi ishlar ministirliri bilen ötküzgen korona wirusi yuqumi heqqidiki widéyo yighinida tekitligen.

U mundaq dégen: "Béyjing diqqetning chéchilishidin paydilinip, jenubiy déngizdiki talash-tartishtiki arallar we déngiz teweliklirige qarita memuriy bashqurushni bir tereplimilik élan qildi. U bu ayning bashlirida bir wiyétnamning béliqchilar kémisi we uning fériy kros we subi marjan arilliridiki tetqiqat ponkitlirini chöktürüwetti." u yene xitayning herbiy paraxot ewetip, bu rayondiki arallarda igilik hoquq telep qiliwatqan bashqa döletlerning déngiz qirghaqlirida néfit we tebi'iy gaz bayliqlirini échishigha ighwagerchilik qilghanliqini tenqidligen.

Mayk pompéyo buning aldida xitayning korona wirusi yuqumidiki ipadisini tenqidlep, uning wuxendiki tejribixanini tekshürüshke yol qoyushini telep qilghan idi. Pompéyo sherqiy-jenubiy asiyadiki döletler bilen ötküzgen yighinda yene xitayni yawayi haywanlar bazirini taqashqa chaqirghan. Ilgiri korona wirusining wuxendiki bir yawayi haywanlar baziridin tarqalghanliqi ilgiri sürülgen idi.

Toluq bet