Amérika: “Xitayning jenubiy déngizdiki ighwagerchilik herikiti toqunushqa seweb bolushi mumkin”

Muxbirimiz irade
2015.05.21

Charshenbe küni amérikining bir charlighuchi ayropilani xitayning talash-tartishtiki jenubiy déngiz qirghaqlirigha quruwatqan sün'iy aralliri üstidin uchup ötken. Bu jeryanda xitay déngiz charlighuchi qisimliri amérika ayropilanigha 8 qétim agahlandurush bergen.

S n n téléwiziyisining xewiride éytilishiche, xitayning déngizni tindurush arqiliq aral yasashtiki jiddiy we ighwagerchilik pozitsiyisi amérika we uning shériklirining qattiq diqqitini qozghimaqta. Amérika mudapi'e ministirliqi pentagon charshenbe küni bu arallarni yéqindin közitish üchün charlighuchi ayropilan chiqarghan. Ayropilan arallar üstide uchuwatqanda xitayning déngiz mudapi'e qisimliri toxtimay ulargha signal ewetip, bu teweliktin chiqip kétishni telep qilghan.

Amérika döletlik istixbarat idarisining sabiq bashliqliridin maykil morél s n n téléwiziyisige qilghan sözide, charshenbe künidiki bu weqe amérika bilen xitay arisida kélechekte herbiy toqunush bolush éhtimalliqining yuqiriliqini körsitip béridu, dégen.

Bügün amérika mu'awin dölet ishliri ministiri antoniy bilinkinmu xitayning qirghaq rayonlarda qiliwatqan bu ighwagerchilik herikitini erkinlik we muqimliqni nezerdin saqit qilghanliq, dep tenqid qildi we buning hetta toqunushqa seweb bolidighanliqini agahlandurdi. Xitay tashqi ishlar ministirliqi bolsa amérikini bu mesilide terep tutush bilen eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.