Хитай җәнубий деңизда ясиған сүний аралға зәмбирәк орунлаштурған

Мухбиримиз әркин
2015.05.29

Америка җүмә күни хитайниң җәнубий деңизда ясиған игилик һоқуқи ихтилаптики сүний аралға зәмбирәк орунлаштурғанлиқини билдүрди.

Америка дөләт мудапиә министирлиқи баянатчиси брәнт колбернниң билдүрүшичә, америка хитайниң қорал орунлаштурғанлиқидин хәвәрдаркән.

Америка кеңәш палата әзаси, кеңәш палата һәрбий ишлар комитети рәиси җон микейн бу әһвални “паракәндичилик вә иғвагәрчилик” деди. У җүмә күни вийетнамниң ху җимин шәһиридә өткүзгән ахбарат йиғинида йәнә мундақ деди, “биз хитай билән тоқунушмаймиз, лекин биз хитайниң бу хил һәрикитини давамлаштурушини тосайдиған тәдбирләрни алалаймиз.”

Хитай ташқи ишлар министирлиқи баянатчиси хуа чүнйиң шу күни хитайниң сүний аралға қорал орунлаштурулғанлиқтин хәвири йоқлуқини билдүргән болсиму, бирақ у, америка дөләт мудапиә министири аштон картерниң сүний арал ясашни дәрһал тохтитиш чақирини рәт қилған.

Аштон катер пәйшәнбә күни хитайниң җәнубий деңизда тиндурма сүний арал ясиши районниң мәвҗут һалитини өзгәртти, дәп көрситип, “америка хәлқара қанунға асасән бу районда давамлиқ деңиз сәпири вә учуш мәшғулати елип бариду” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.