Xitay jenubiy déngizda yasighan sün'iy aralgha zembirek orunlashturghan

Muxbirimiz erkin
2015-05-29
Share

Amérika jüme küni xitayning jenubiy déngizda yasighan igilik hoquqi ixtilaptiki sün'iy aralgha zembirek orunlashturghanliqini bildürdi.

Amérika dölet mudapi'e ministirliqi bayanatchisi brent kolbérnning bildürüshiche, amérika xitayning qoral orunlashturghanliqidin xewerdarken.

Amérika kéngesh palata ezasi, kéngesh palata herbiy ishlar komitéti re'isi jon mikéyn bu ehwalni "Parakendichilik we ighwagerchilik" dédi. U jüme küni wiyétnamning xu jimin shehiride ötküzgen axbarat yighinida yene mundaq dédi, "Biz xitay bilen toqunushmaymiz, lékin biz xitayning bu xil herikitini dawamlashturushini tosaydighan tedbirlerni alalaymiz."

Xitay tashqi ishlar ministirliqi bayanatchisi xu'a chünying shu küni xitayning sün'iy aralgha qoral orunlashturulghanliqtin xewiri yoqluqini bildürgen bolsimu, biraq u, amérika dölet mudapi'e ministiri ashton kartérning sün'iy aral yasashni derhal toxtitish chaqirini ret qilghan.

Ashton katér peyshenbe küni xitayning jenubiy déngizda tindurma sün'iy aral yasishi rayonning mewjut halitini özgertti, dep körsitip, "Amérika xelq'ara qanun'gha asasen bu rayonda dawamliq déngiz sepiri we uchush meshghulati élip baridu" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet