Amérikaning yuqiri derijilik herbiy emeldari: jenubiy déngizda xitaygha taqabil turushimiz kérek

Muxbirimiz irade
2019-05-30
Élxet
Pikir
Share
Print

Amérikaning yuqiri derijilik herbiy emeldari général joséf danford charshenbe küni washin'gtondiki bir istratégiye yighinida qilghan sözide, xitayning jenubiy déngizdiki arallirini qorallandurush heriketlirige qarshi derhal heriketke ötüshimiz kérek, dégen.

"Jenubiy xitay sehiri" gézitining xewer qilishiche, amérika armiyesi shtab bashliqliri birleshmisining re'isi général joséf danford xitayning jenubiy déngizdiki sün'iy arallirini özining herbiy muddasigha mas halda tereqqiy qildurghanliqini, emdi buning dawamliq kéngiyishigha yol qoyushqa bolmaydighanliqini bildürgen.

U sözide: "Elwette men qoralliq taqabil turushni tewsiye qilmaymen. Menche buni jazalaydighan, taqabil turidighan diplomatik we iqtisadiy tedbirler bar. Elwette bashqa tedbirler birinchi orunda turidu" dégen.

Xewerde éytilishiche, awstraliye axbaratliri aldinqi küni awstraliye herbiy ayropilan pilotlirining jenubiy déngiz asminida uchush meshiqi élip bériwatqanda namelum bir xil lazér nurining rahetsiz qilishigha uchrighanliqini we buning xitayning jawabkarining xitayning gheyriy resmiy herbiy paraxotliri dep qariliwatqanliqini xewer qilghaniken.

Général joséf danfordning yuqiridiki sözliri del bu weqedin kéyin'ge toghra kelgen. Lékin xitay terep général joséfning sözige téxi inkas qayturmighan.

Toluq bet