Xitay wekiller jenwediki kishilik hoquq komitétining yighinida toxtimay kashila peyda qildi

Muxbirimiz irade
2014.03.20

20-Mart küni xitay hey'iti kishilik hoquq komitétining 25-nöwetlik omumiy yighinida köp qétim bir qisim kishilik hoquq teshkilatlirining yighinda söz qilish hoquqi yoqluqini ilgiri sürüp, ularning sözini bölüshke tirishti. Emma amérika, kanada qatarliq köp sandiki eller wekilliri kishilik hoquq organlirining pikir qilish hoquqi barliqini bildürgendin yighin bashqurghuchi xitay hey'itining telipini ret qildi.

Buningdin sirt, mezkur yighin sorunida xitay wekiller yene, özlirige belgilep bérilgen orundinmu bi'aram bolup dewa qilghan. Chünki, xitay wekiller olturghan orunning yénidila Uyghur milliy herikiti rehbiri rabiye qadir xanim olturghan bolghachqa, xitay wekiller söz qilghanda rabiye qadir xanimningmu téléwiziye ékranida teng chiqishidin qattiq bi'aram bolghan. Xitay wekillerning yighin bashqurghuchiliridin orun almashturup bérishni telep qilip turuwélishi netijiside yighin axirlishishqa intayin az bir waqit qalghanda xitay wekilning orni almashturulghan.

Mezkur weqe bügünki yighinni neq meydandin körüp olturghanlarningmu diqqitini tartti. Tiwittér arqiliq yollan'ghan uchurlarda beziler xitay wekillirining rabiye qadir xanimning yénigha olturghuzup qoyulghanliqidin intayin xushal bolghanliqini bildürdi. Xelq'ara kechürüm teshkilati bolsa xitay hökümitining kishilik hoquq organlirining söz qilishini chekleshke urunmaqchi bolghanliqini tenqid qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.