Jenwede échilghan kishilik hoquq we démokratiye uchrishish yighinigha Uyghur wekilliri qatnashti

Muxbirimiz méhriban
2016.02.23
Share on WhatsApp
Share on WhatsApp

Kishilik hoquq we démokratiye üchün jenwe aliy uchrishishi namliq xelq'ara yighin 23-féwral jenwede bashlandi. Uyghurlargha wakaliten dunya Uyghur qurultiyining ijra'iye hey'et mudiri dolqun eysa we nöwette yawropada muhajirette yashawatqan Uyghur pa'aliyetchisi, sabiq diplomat kirem shérip qatnashqan.

Dolqun eysaning bildürüshiche, yighinning seyshenbe küni chüshtin kéyin échilghan xitay weziyiti heqqidiki muzakiriside, b d t ning kishilik hoquq kéngishining da'imiy hey'etlirining biri bolghan xitayning özidiki démokratiye we kishilik hoquq weziyiti mesilisi, xitay hökümitining Uyghur, tibet qatarliq milletlerge qaratqan siyasiti we bu rayonlardiki weziyet qatarliqlar otturigha qoyulghan.

Bu yighin'gha dunyaning herqaysi jayliridin kelgen dölet, hökümet emeldarliri, kishilik hoquq we démokratiye pa'aliyetchiliri, siyasetchiler bolup 500 din artuq kishi qatnashqan bolup, yighinda Uyghurlargha wakaliten qatnashqan yene bir wekil kérem shérip, ötken esirning 80-yillirining axiri xitayning pakistan elchixanisida diplomat bolup ishligen mezgilide, xitay teripidin tutush tizimlikide ismi chiqqan, pakistandiki Uyghurlargha yardem bergenliki ashkarilan'ghandin kéyin, xitayning pakistandiki elchixanisidin qéchip kétip, kéyin b d t din panahliq tiligen, nöwette u shiwitsariyide Uyghur dawasi qiliwatqan pa'aliyetchilerning biridur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.