Gu'angdung jyangnendiki namayish üch kündin béri dawam qilmaqta

Muxbirimiz shöhret hoshur
2013-07-15
Share

Gu'angdungning jyangnen shehiridiki ahaliler jüme we shenbe küniliri namayish ütküzüp sheherde qurulmaqchi bolghan yadro esliheliri fabrikisigha qarshliq körsetken.

Da'iriler shenbe küni hökümet tor bétide bayanat élan qilip qurulush pilanini amma bilen muzakirilishish möhlitini yene 10 kün uzartqanliqini bildürgen. Hökümetning bu jawabigha razi bolmighan namayishchilar yekshenbe küni hökümet aldida qayta toplinip, qurulush pilanini tézdin we pütünley bikar qilishni telep qilghan. Namayishchilar yekshenbe küni kötürgen lozunkilarda "Bizge perzent kérek, atom kérek emes", "Bizge hayat kérek GDP kérek emes" dégendek sho'arlar yézilghan.

Namayishchilarning qet'iy iradisidin chöchigen, mezkur qurulush pilanlan'ghan rayonning mes'ulliri yekshenbe küni namayishchilargha jawaben mezkur tewelikte yadro fabrikisi qurulmaydighanliqini uqturghan. Emma, mezkur qurulush pilanining pütünley emeldin qaldurulghanliqi yaki ornining bikar qilin'ghanliqi heqqide melumat bermigen. Bu ehwal namayishchilarni dawamliq endishige salghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet