Xitaygha qarshi parlamént ezaliri xelq'ara birliki Uyghur rayonidiki jinsiy xorluq heqqidiki xewerge qarita bayanat élan qildi

En'giliye BBC taratqusi Uyghur rayonidiki yighiwélish lagérliri we türmilerdiki jinsiy xorluq jinayetlirini xelq'aragha ashkarilighandin kéyin, xitaygha qarshi palamént ezaliri xelq'ara birliki 2-féwral buninggha inkas bildürüp bayanat élan qildi. Bayanatta bu xil irqiy qirghinchiliq we insaniyetke qarshi jinayetlerni qattiq eyiblidi hemde öz hökümetlirini bu jinayetni qet'iy tekshürüshke chaqirdi.

Bayanatta mundaq déyilgen: "Bashqilarning ziyankeshlikke uchrimasliqi bedilige jesurluq bilen ispat bergen shu guwahchilargha chongqur hörmitimizni bildürimiz hemde insan tesewwur qilghusiz qebih zulumgha uchrawatqanlargha héssidashliqimizni bildürimiz. Hazir quruq gep qilidighan waqit emes. Biz choqum küchni birleshtürüp, xitay hökümitini jawabkarliqqa tartishimiz we bu qebih jinayetni toxtitishimiz kérek. Biz birleshken döletler teshkilati we xelq'ara qanun organlirini xitaydiki bu irqiy qirghinchiliq we insaniyetke qarshi jinayetni tekshürüshke chaqirimiz. Shuning bilen bir waqitta her qaysi döletler 'irqiy qirghinchiliqning aldini élish we uni jazalash ehdinamisi' da belgilen'gen mejburiyitini ada qilip, bu jinsiy xorluq jinayitige qarshi birlikte siyasiy heriket qozghishi kérek."

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar