Байден һөкүмити барлиқ усулларни қоллинип хитайниң адаләтсиз сода қилмишлириға қарши туридиғанлиқини билдүргән

Мухбиримиз нуриман
2021-03-02
Share

CNBC Агинлитқиниң 2-март бәргән хәвиридә көрситлишичә, америка сода вәкили ишханиси сода күнтәртипи һәққидә бир доклат елан қилған. Доклатта президент җов байден һөкүмитиниң "қоллинишқа болидиған барлиқ усуллар" арқилиқ хитайниң адаләтсиз сода қилмишлириға қарши туридиғанлиқи билдүрүлгән.

2-Март күни елан қилинған мәзкур доклатта мәмурий органлар ишлитидиған усуллар ениқ йезилмиған, әмма президент байден вә униң һөкүмитидикиләрниң йеқинқи бир нәччә ай ичидә хитай вә башқа сода шериклири билән болған мунасивәтлирини қандақ бир тәрәп қилидиғанлиқи тоғрисидики баянлар рәсмийләштүрүлгән.

Доклатта мундақ дейилгән: "хитайниң сода җәһәттики хирисиға тақабил туруш мәсилиси биздин буниңдин бурунқиға қариғанда техиму әтраплиқ истратегийә вә техиму системилиқ муамилә тутушимизни тәләп қилиду."

Доклатта йәнә байден һөкүмитиниң хитайниң уйғур вә башқа йәрлик милләтләрни нишан қилған мәҗбурий әмгәк мәсилисини һәл қилишни "биринчи муһим иш" қатариға киргүзүши тәкитләнгән.

Көзәткүчиләр байдин һөкүмитиниң йиқиндин буянқи бир қатар сиясәтлирини чиқиш қилип туруп, американиң сода иттипақдашлири билән һәмкарлишип, хитайға қарши қаттиқ тәдбирләрни қоллиниши мумкинликини илгири сүрүшмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт