Baydén hökümiti barliq usullarni qollinip xitayning adaletsiz soda qilmishlirigha qarshi turidighanliqini bildürgen
2021.03.02
CNBC Aginlitqining 2-mart bergen xewiride körsitlishiche, amérika soda wekili ishxanisi soda küntertipi heqqide bir doklat élan qilghan. Doklatta prézidént jow baydén hökümitining “Qollinishqa bolidighan barliq usullar” arqiliq xitayning adaletsiz soda qilmishlirigha qarshi turidighanliqi bildürülgen.
2-Mart küni élan qilin'ghan mezkur doklatta memuriy organlar ishlitidighan usullar éniq yézilmighan, emma prézidént baydén we uning hökümitidikilerning yéqinqi bir nechche ay ichide xitay we bashqa soda shérikliri bilen bolghan munasiwetlirini qandaq bir terep qilidighanliqi toghrisidiki bayanlar resmiyleshtürülgen.
Doklatta mundaq déyilgen: “Xitayning soda jehettiki xirisigha taqabil turush mesilisi bizdin buningdin burunqigha qarighanda téximu etrapliq istratégiye we téximu sistémiliq mu'amile tutushimizni telep qilidu.”
Doklatta yene baydén hökümitining xitayning Uyghur we bashqa yerlik milletlerni nishan qilghan mejburiy emgek mesilisini hel qilishni “Birinchi muhim ish” qatarigha kirgüzüshi tekitlen'gen.
Közetküchiler baydin hökümitining yiqindin buyanqi bir qatar siyasetlirini chiqish qilip turup, amérikaning soda ittipaqdashliri bilen hemkarliship, xitaygha qarshi qattiq tedbirlerni qollinishi mumkinlikini ilgiri sürüshmekte.