Чәтәлләрдики уйғур җәмийәтлири җумһурийәт күни паалийәтлири өткүзди

Чәтәлләрдә яшайдиған уйғур җамаити һәр йили 12-ноябир җумһурийәт күни паалийәтлирини өткүзүп келиватқан болуп, бу йилму охшашла дуняниң һәр қайси җайлириға җайлашқан уйғур аммиви тәшкилатлири өз әнәниси бойичә 1933-вә 1944-йили 12-ноябир күнлири қурулған икки қетимлиқ шәрқи түркистан җумһурийәт күнлирини хатирилиди.

Игилишимизчә, икки җумһурийәтни хатириләш паалийәтлири германийә, норвегийә вә башқа явропа әллиридин башқа йәнә оттура асия җумһурийәтлири,түркийә һәм шимали америкидиму өткүзүлгән.13-Ноябир күни германийәниң мюнхен шәһиридә өткүзүлгән җумһурийәт күни паалийитигә дуня уйғур қурултийи рәиси рабийә қадир ханим қатнишип, тәбрик сөзи сөзлигән.

Бу хилдики хатириләш мурасими америка уйғурлири бирләшмиси тәрипидин он нәччә йиллардин буян изчил өткүзүлүп келиниватқан болуп, бу йил 13-ноябир күниму виргиния штатиниң фәйирфакис шәһиридә икки җумһурийәтни хатириләш паалийити өткүзүлгән. Америка пайтәхти вашингтон әтрапида яшайдиған бир қисим уйғурлар бир ариға җәм болуп, бу тарихи күнни хатирилигән. Бу мурасимда җумһурийәт тарихидин лексийә сөзләш, сәнәт номурлирини көрситиш вә башқа һәр хил паалийәтләр уюштурулған.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар