Chet'ellerdiki Uyghur jem'iyetliri jumhuriyet küni pa'aliyetliri ötküzdi

Muxbirimiz ümidwar
2016-11-13
Share

Chet'ellerde yashaydighan Uyghur jama'iti her yili 12-noyabir jumhuriyet küni pa'aliyetlirini ötküzüp kéliwatqan bolup, bu yilmu oxshashla dunyaning her qaysi jaylirigha jaylashqan Uyghur ammiwi teshkilatliri öz en'enisi boyiche 1933-we 1944-yili 12-noyabir künliri qurulghan ikki qétimliq sherqi türkistan jumhuriyet künlirini xatirilidi.

Igilishimizche, ikki jumhuriyetni xatirilesh pa'aliyetliri gérmaniye, norwégiye we bashqa yawropa elliridin bashqa yene ottura asiya jumhuriyetliri,türkiye hem shimali amérikidimu ötküzülgen.13-Noyabir küni gérmaniyening myunxén shehiride ötküzülgen jumhuriyet küni pa'aliyitige dunya Uyghur qurultiyi re'isi rabiye qadir xanim qatniship, tebrik sözi sözligen.

Bu xildiki xatirilesh murasimi amérika Uyghurliri birleshmisi teripidin on nechche yillardin buyan izchil ötküzülüp kéliniwatqan bolup, bu yil 13-noyabir künimu wirginiya shtatining feyirfakis shehiride ikki jumhuriyetni xatirilesh pa'aliyiti ötküzülgen. Amérika paytexti washin'gton etrapida yashaydighan bir qisim Uyghurlar bir arigha jem bolup, bu tarixi künni xatiriligen. Bu murasimda jumhuriyet tarixidin léksiye sözlesh, sen'et nomurlirini körsitish we bashqa her xil pa'aliyetler uyushturulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet