Uyghur élining jenubidiki 4 wilayet, oblastta omumyüzlük halda kadirlarni tekshürüsh herikiti qozghitildi

Muxbirimiz irade
2017-05-25
Share

Uyghur élida "Ikki yüzlimichi" kadirlarni bir terep qilish herikiti yenimu qattiq élip bérilmaqchi.

Tengritagh torining xewiridin qarighanda, Uyghur aptonom rayonluq partkom 5-ayning 23-küni mexsus yighin chaqirip, Uyghur élining jenubidiki töt wilayet, oblasttiki kadirlarni nazaret qilish herikitini omumyüzlük bashlash heqqide yolyoruq bergen. Yighinda Uyghur rayonluq partkom da'imiy komitétining ezasi, intizam tekshürüsh komitétining sékrétari lo dungchüen söz qilip, kadirlarni tekshürgende "Bash nishanni jayida emeliyleshtürmeslik", "Ammiwi xizmetni kücheytmeslik", "Kadirlarning istili yaxshi bolmasliq", "Diniy ishlarni bashqurush qattiq bolmasliq" dégendek mesililerni asas qilip turup tekshürüsh élip bérishni telep qilghan.

"Ikki yüzlimichi" kadirlargha zerbe bérish herikiti chén chüen'go kelgendin buyan eng qattiq élip bériliwatqan heriketlerning biri bolup, xitay axbaratliri xotendiki bir neper yéza kadirining moysipitlarning aldida tamaka chékishtin eymen'genliki üchün "Siyasiy meydani éniq emes" dep bir terep qilin'ghanliqini xewer qilghan we bu weqe xelq'arada belgilik inkas qozghighan idi. Hazirghiche qeshqer we xotende nurghun kadirlar mushuninggha oxshash "Partiye bilen istilda birdek bolmasliq", "Ikki yüzlimilik qilish" dégen sewebler bir terep qilin'ghan bolup, peqet xoten wilayitining özidila bir terep qilin'ghan kadirlarning sani 645 neperdin ashidighanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.