Xitay hökümiti Uyghur rayonida xitay boyiche eng chong gösh kalisi guruhi qurmaqchiken

Muxbirimiz jewlan
2020-11-11
Share

"Xitay xewerliri" torining 10-noyabir xewer qilishiche, xitay yéza-igilik tereqqiyat bankisi shinjang shöbisi xu'aling guruhining xitay boyiche eng chong gösh kalisi guruhi bolushigha yardem qilmaqchi bolghan.

Xewerde körsitilishiche, xu'aling guruhi eslide Uyghur rayonida 30 yilliq tarixqa ige chong shirket bolup, soda baziri échish, tashqi soda, yük toshush, chet elge meblegh sélish qatarliq kesipler bilen shughullinip kelgen؛ nöwette bolsa charwichiliq mehsulatliri sodisigha yüzlinip, ili, altay, chöchek, bayin'gholin, aqsu, qeshqer, xoten qatarliq jaylarda zor kölemdiki kala férmisi qurushni pilanlighan bolup, 60 ming kala baqidiken, buninggha salidighan meblighi 100 milyon yüendin ashidiken.

"Xitay xewerliri" torining 11-noyabir xewer qilishiche, xitay yéza-igilik tereqqiyat bankisi xu'aling guruhigha yardem bergendin bashqa, shinjang bankisimu bu shirketke ilgiri-axir bolup, 1 milyard yüen qerz bermekchi bolghan.

Közetchilerning qarishiche, xu'aling guruhining Uyghur rayonida bu zor kölemlik gösh kalisi férmisi qurushi xitaydiki hoquq-menpe'et guruhining bu rayonning bayliqi we sodisini monupul qilish üchün élip bériwatqan herikiti iken. Yene bir tereptin, xitay "Bir belwagh bir yol" pilanining muhim tügünige jaylashqan Uyghur rayonida xu'aling guruhidek chong shirketlerni küchlendürüsh arqiliq ottura asiya döletliri we musulman döletlerge tesir körsitishnimu oylashqan bolushi mumkin iken.

Uningdin bashqa aldinqi aylarda xitay hökümet taratquliri xewer bérip, bay nehiyesi, aqsu konasheser nahiyesi, chaqiliq nahiyesi qatarliq Uyghurlar nuqtiliq olturaqlashqan bir qisim jaylarda zor kölemlik choshqa baqmichiliqi férmilirini qurghanliqini ilgiri sürgen idi. Xu'aling guruhining baqmichiliq nuqtiliri bay nahiyesinimu öz ichige alghan bolup, közetküchiler xu'aling guruhining baqmichiliq türide choshqa baqmichiliqiningmu barliqini texmin qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet