Канада парламенти хәлқара кишилик һоқуқ һәйити хитайниң уйғурларға йүргүзүватқан җинайитини «ирқий қирғинчилиқ» дәп атиди

Мухбиримиз җәвлан
2020-10-21
Share

Канада парламенти дипломатийә вә хәлқара тәрәққият даимий комитети хәлқара кишилик һоқуқ һәйити 21-өктәбир өзиниң тор бетидә уйғурларниң кишилик һоқуқ мәсилиси тоғрулуқ доклат елан қилип, хитайниң уйғурларға йүргүзүватқан җинайитини «ирқий қирғинчилиқ» дәп атиди вә канада һөкүмитини хитай әмәлдарлириға җаза йүргүзүшкә чақириқ қилди.

Мәзкур доклатта уйғуларниң нәччә йиллардин бери әң еғир дәриҗидә кишилик һоқуқ дәпсәндичиликигә учраш әһвали вә буни ениқлаш, испатлаш җәряни тәпсилий баян қилинған болуп, уйғурларниң кәң-көләмдә тутқун қилиниши вә инсан қелипидин чиққан муамилиләргә учриши, мәҗбурий әмгәккә селиниши, омумйүзлүк тәқиб вә назарәт астиға елиниши, көпийиш нисбитиниң чәклиниши, қаттиқ бесим билән башқурулуши қатарлиқ бәш түрлүк мәзмунни өз ичигә алған.

Канада «йәр шари почта гезити» ниң 21-өктәбир бу доклат һәққидә елан қилған хәвиридин мәлум болушичә, канада ташқи ишлар министири бу доклат һәққидә ипадә билдүрүп: «биз доклатта ейтилған қорқунчлуқ хәвәрләрдин чоңқур әндишә туйдуқ. Биз хитай һөкүмитини уйғурларға йүргүзүватқан бу бастурушни тохтитишқа чақиримиз. Канада һөкүмити ирқий қирғинчилиқ һәққидики әйибләшкә наһайити җиддий қарайду. Биз иттипақдашлиримиз билән һәмкарлишип, хитайға хәлқара тәкшүрүш өмики әвәтишкә тиришимиз» дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.