Kanada parlaménti xelq'ara kishilik hoquq hey'iti xitayning Uyghurlargha yürgüzüwatqan jinayitini "Irqiy qirghinchiliq" dep atidi

Muxbirimiz jewlan
2020-10-21
Share

Kanada parlaménti diplomatiye we xelq'ara tereqqiyat da'imiy komitéti xelq'ara kishilik hoquq hey'iti 21-öktebir özining tor bétide Uyghurlarning kishilik hoquq mesilisi toghruluq doklat élan qilip, xitayning Uyghurlargha yürgüzüwatqan jinayitini "Irqiy qirghinchiliq" dep atidi we kanada hökümitini xitay emeldarlirigha jaza yürgüzüshke chaqiriq qildi.

Mezkur doklatta uyghularning nechche yillardin béri eng éghir derijide kishilik hoquq depsendichilikige uchrash ehwali we buni éniqlash, ispatlash jeryani tepsiliy bayan qilin'ghan bolup, Uyghurlarning keng-kölemde tutqun qilinishi we insan qélipidin chiqqan mu'amililerge uchrishi, mejburiy emgekke sélinishi, omumyüzlük teqib we nazaret astigha élinishi, köpiyish nisbitining cheklinishi, qattiq bésim bilen bashqurulushi qatarliq besh türlük mezmunni öz ichige alghan.

Kanada "Yer shari pochta géziti" ning 21-öktebir bu doklat heqqide élan qilghan xewiridin melum bolushiche, kanada tashqi ishlar ministiri bu doklat heqqide ipade bildürüp: "Biz doklatta éytilghan qorqunchluq xewerlerdin chongqur endishe tuyduq. Biz xitay hökümitini Uyghurlargha yürgüzüwatqan bu basturushni toxtitishqa chaqirimiz. Kanada hökümiti irqiy qirghinchiliq heqqidiki eyibleshke nahayiti jiddiy qaraydu. Biz ittipaqdashlirimiz bilen hemkarliship, xitaygha xelq'ara tekshürüsh ömiki ewetishke tirishimiz" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.