Kanada Uyghurliri lagérlargha qarshi namayish teshkillimekte

Muxbirimiz eziz
2018-06-26
Élxet
Pikir
Share
Print

26-Iyun küni kanadaning montér'al shehiridiki Uyghur jama'iti bextiyar hajim bashchiliqida namayish teshkillep, shu jaydiki amérika konsulxanisi aldida: "Xitayning bir milyon Uyghurni qamiwélishini eyibleymiz!", "Uyghurlargha erkinlik" dep sho'ar towlidi.

Melum bolushiche, bu qétimqi namayish bir hepte dawam qilidighan bolup, bu xildiki namayishlarni toronto we kanadaning bashqa sheherliridimu teshkillesh pilan qilinmaqta iken. Uyghurlar amérika konsulxanisi aldida namayish ötküzüshidiki meqsiti amérika hökümining xitayning Uyghurlarni lagérlargha solishigha qarita naraziliq meydanini bildürüp, Uyghurlargha ige chiqishini qolgha keltürüsh üchün iken.

Radiyomizgha namayish neq meydanidin melumat bergüchi erkin qurban ependining bildürüshiche, bu qétimqi namayishta Uyghurlar diyaridiki zor tutqunning qurbanliri bolghan Uyghurlar duch kéliwatqan mesililerni tashqi dunyagha yene bir qétim eslitish asasiy meqset qilin'ghan iken.

Bu qétimqi namayishqa ishtirak qilghanlardin qelbinur shemshidin xanimmu alaqidar ehwallardin melumatlar berdi. U sözide, nöwette Uyghurlar diyaridiki zulumning héchkimni ayap qoymaywatqanliqini, shuning üchün bu xildiki namayishlargha chiqiwatqanlar arisida erler, ayallar we balilarning sani oxshashla éship méngiwatqanliqini bildürdi.

Toluq bet