Kanada hökümiti Uyghurlar mesilisi boyiche xitayni eyiblidi

Muxbirimiz eziz
2018-09-25
Élxet
Pikir
Share
Print

Xitay hökümitining Uyghurlarni basturushi barghanséri küchiyiwatqanda buni eyiblesh mezmunidiki chuqanlarmu köplep otturigha chiqmaqta.

25-Séntebir küni b d t yighinigha qatnishiwatqan kanada bash ministiri jastin trodo Uyghurlarning xorluqqa uchrawatqanliqini eslitip, xitay hökümitini bu heqte chüshenche bérishke chaqirdi.

Firansiye xewer agéntliqining xewiride éytilishiche, kanadaning tashqi ishlar ministiri kristya frélend özining aldinqi küni xitay tashqi ishlar ministiri wang yi bilen körüshkende Uyghurlar mesilisini alahide tilgha alghanliqini bildürgen. U bu heqte muxbirlargha söz qilip: "Bizdek erkinlikte yashawatqan xelqlerning erkinliki yoq kishiler üchün kökrek kérip otturigha chiqish mejburiyitimiz bar" dégen.

Xewerde éytilishiche, xitay hökümiti izchil b d t we bashqa teshkilatlarning bu heqtiki doklatlirini inkar qilip, özlirining esebiylik we térrorluqqa qarshi küresh qiliwatqanliqini teshwiq qilip kelgen idi.

Xitay hökümiti Uyghurlar diyaridiki lagérlarning mewjutluqini inkar qiliwatqanda amérika tashqi ishlar ministiri mayk pompé'o yüz minglighan Uyghurning lagérlargha qamalghanliqini eyiblep, xitay hökümitini diniy basturushta tenqidligen idi.

Kanadaningmu bu heqte ashkara ipade bildürüshini bir qisim analizchilar Uyghurlar mesilisining téximu yaxshi bilinishidiki bir aktip qedem, dep qarimaqta iken.

Toluq bet