Kanadaning wanko'uwér shehiride "Ependi" namliq bir Uyghur réstorani échilghan.

Muxbirimiz jüme
2016-07-03
Share

Kanadada chiqidighan eng chong heptilik zhurnal "Jorjiye boghuzi" da xewer qilinishiche, 130 kishilik bu réstoran bu yil 28 - may wanko'uwérning kingswey yoligha resmiy échilip, ishqa kirishken.

Réstoran xojayini mukerrem nurjanning zhurnal muxbirigha éytishiche, u kanadagha kelgen buyan öz kimlikini tonushturushta, sheherde halal we Uyghurche ta'amlarni tépishta qiynalghanliqi üchün ata - anisi nurjan qasim we asimgül turdilar bilen birliship mezkur ashxanini échish qararigha kelgen.

Xewerge qarighanda, ularning a'ilisi 2011 - yili ürümchidin kélip kanadagha yerleshken bolup, ular mezkur réstoran arqiliq sheherdiki Uyghurlar jem'iyet süpitide yighilidighan, ana tilini meshiq qilidighan bir sorun hazirlashni meqset qilghan iken.

Mukerrem dadisining öz tili we medeniyitining yoqilip kétishidin endishe qilidighanliqi we özlirining bu réstoran arqiliq Uyghurlarni bilmeydighan kishiler bilen Uyghur medeniyiti we ta'amlirini ortaqlishish arzusi barliqini bildürgen.

Xewerde neqil qilishiche mukerrem adaqqi meqsitining wanko'uwérliqlargha Uyghurlarni tonutush ikenlikini bildürüp: "Meqsitimiz kishilerge bizning bir méhriban, pakiz we ésil kishiler ikenlikimizni körsitish hemde tuyghularning terbiye körgen güzel medeniyetke ige xelq ikenlikni bildürüsh" dégen.

Nöwette réstoranda, qolda qilin'ghan lengmen, kishmish sélin'ghan polu, kawap, manta chöchüre qatarliq asasliq Uyghur tamaqliridin bashqa, qétiq, sériq ash qatarliq soghuq yémekliklermu bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet