Kanada parlamént ezalirimu béyjing qishliq olimpik musabiqisini bashqa döletke yötkeshni telep qildi

Muxbirimiz erkin
2021-02-08
Share

Kanada parlamént ezalirimu xitayning Uyghurlarni asas qilghan musulman az sanliq milletlerge yürgüzgen "Irqiy qirghinchiliq" herkiti seweblik 2022-yilliq béyjing qishliq olimpik musabiqisini bashqa döletke yötkeshni telep qilghan. Buning aldida amérika dölet mejlisi ezalirimu béyjing qishliq olimpikini bashqa döletke yötkeshni telep qilip, qarar layihesi tonushturghan idi. Kanadadiki "Yer shari we pochta" gézitining xewer qilishiche, kanadaning her qaysi siyasi partiye-guruhliridin bolghan 13 neper parlamént ezasi bu toghrisida ochuq xet élan qilghan.

Ularning xétide tekitlishiche, 2022-yilliq béyjing qishliq olimpik musabiqisigha qatnishish "Öz xelqige qarita insaniyetke qarshi jinayet sadir qiliwatqan bir hakimiyetning paydisi üchün uning rezil we öz özini kökke kötürüwatqan bir tamashagha ishtirak qilish bolidiken." ular xétide xelq'ara olimpik komitétining béyjing qishliq olimpik musabiqisini bashqa döletke yötkep, qanun chiqarghuchilar 1936-yilidiki natsistlarning bérlin olimpik musabiqisigha sélishturghan bu musabiqining tenherketchilerni bulghishidin saqlinishini telep qilghan.

Amérika kengesh palata ezasi rik skot ötken hepte béyjing qishliq olimpikini bashqa döletke yötkesh toghrisida qarar layihesi sun'ghan. Buning aldida en'giliye parlamént ezalirimu béyjing qishlik olimpikini bayqut qilishni telep qilghan. Biraq xitayning "Yer shari waqti géziti" béyjing qishliq olimpikini bayqut qilidighan döletlerge tehdit salghan. "Jenubiy xitay etigenlik pochtisi" ning xewer qilishiche, "Yer shari waqti géziti" ning bash muherriri "Xitayning béyjing qishliq olimpikini bayqut qilghan herqandaq döletke jiddiy imbargo yürgüzidighanliqi" ni bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet