Канада баш министири деридо хитай билән 3 хил сода келишими имзалиди

Мухбиримиз әркин
2017-12-04
Share

Канада баш министири җастин теридо дүшәнбә күни бейҗиңда хитай баш министири ли кечяң билән 3 хил сода келишими имзалиған.

Фирансийә агентлиқиниң хәвәр қилишичә, хитайниң хәлқ сарийидики мурасимда имзаланған келишим икки тәрәпниң енергийә һәмкарлиқ һәрикәт пилани, йемәклик мәһсулати.... Қатарлиқлар саһәләргә четилидикән. Лекин хәвәрдә, келишимниң конкрет тәпсилати мәлум әмәсликини билдүргән.

Теридониң зиярити 3‏-декабир башланған. У дүшәнбә күни мухбирларға қилған сөзидә, "канада һазирму, бурунму изчил тиҗарәтчи дөләт болуп кәлди. Лекин һазир сода базири алмашти. Биз буниңға маслишишимиз керәк" дегән. Бирақ җастин теридо хитай зияритини башлаштин бурун канада кишилик һоқуқ тәшкилатлири униң содиғила мәркәзлишип қалмаслиқини, кишилик һоқуқ мәсилисиниму оттуриға қоюшини тәләп қилған.

Хәлқара кәчүрүм тәшкилати, кишилик һоқуқ тәшкилати қатарлиқ органлар болупму хитай түрмисидики канада пуқралириниң мәсилисини, җүмлидин уйғур канада пуқраси һүсәнҗан җелилниң мәсилисини оттуриға қоюп, униң қоюп беришни тәләп қилишқа чақирған иди.

Тероди хитай зияритини башлаштин бурун өзиниң хитай билән "башқурушни яхши елип бериш, кишилик һоқуқ, қанун билән идарә қилиш қатарлиқ мәсилиләр" ни толуқ вә достанә музакирә қилиш пилани барлиқини билдүргән. Лекин көзәткүчиләрниң илгири сүрүшичә, теридониң зиярити содини мәркәз қилған болуп, униң бу мәсилиләрни қандақ оттуриға қойидиғанлиқиға йәнила қарап бир немә дейишкә тоғра келидикән.

Бу теридониң баш министирлиқ вәзиписидин олтурған икки йилдин буян хитайни 2‏-қетим зиярәт қилиши болуп, униң зиярити канаданиң америка вә мексика билән шималий америка әркин сода келишимини қайта түзүш сөһбити башланған, лекин көзәткүчиләр бу сөһбәтниң айиғи чиқмайду, дәп қараватқан мәзгилдә елип берилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт