Xitay kanadaning tutqundiki kanada puqralirini qoyup bérish chaqiriqini ret qildi

Muxbirimiz erkin
2018-12-24
Élxet
Pikir
Share
Print

Xitay hökümiti 24‏-dékabir kanadaning xitayda tutqun qilin'ghan kanada puqralirini qoyup bérish telipini ret qilip, kanadaning xu'awéy téxnika shirkitining yuqiri derijilik mes'uli ming wenjoni qoyup bérishni telep qilghan.

Buning aldida kanada tashqi ishlar ministiri kristya fréland béyjing da'irilirini xitayda tutqun qilin'ghan 2 neper kanada puqrasini qoyup bérishke, ittipaqdash döletlerni buninggha yardem qilishqa chaqirghan idi. Kristiya fréland ötken shenbe küni élan qilghan chaqiriqida xitayning 2 neper kanada puqrasini tutqun qilishi pütkül xelq'ara jem'iyetke yaman ülge yaritip béridighanliqini tekitligen. U yene kanadaning xelq'ara kélishimlerge xususen amérika bilen imzalighan jinayet gumandarlirini ötküzüp bérish kélishimige emel qilidighanliqini eskertip, ming wenjo weqeside qanun-belgilime we sot ishlirida muresse qilmaydighanliqi, bu déloni siyasiylashturmaydighanliqini bildürgen.

Kanada bu yil 1‏-dékabir küni amérikining telipige bina'en xu'awéy shirkitining bash boghaltiri we mu'awin mudiri ming wenjoni qolgha alghan. Arqidinla xitay hökümiti xitayda turushluq ikki kanada puqrasini tutqun qilghan. Buninggha qarita kristiya fréland bayanat élan qilip, ularni qoyup bérishni telep qilghan. Uningdin sirt amérikimu xitaydin kanada puqralirini qoyup bérishni telep qilghan idi. Lékin yaponiye NHK ning xewer qilishiche, xitay tashqi ishlar ministirliqining bayanatchisi xu'a chünying düshenbe künlük axbarat yighinida amérika bilen kanadadin xitayning edliye igilik hoquqigha hörmet qilishni telep qilghan. U yene kanadaning "Xataliqini tüzitip, ming wenjo derhal qoyup bérish" ke, amérikining ming wenjoni tutush buyruqini emeldin qaldurushqa chaqirghan.

Halbuki, amérika edliye organliri ming wenjuni amérikining éksport qanunigha xilapliq qilish bilen eyiblimekte. Közetküchilerning ilgiri sürüshiche, xitayning ikki neper kanada puqrasini tutqun qilishi ming wenjoning qolgha élinishigha qarita öch élishni meqset qilghan iken.

Toluq bet