Канада парламенти хитайниң уйғурларға йүргүзгән җинайитини "ирқий қирғинчилиқ" дәп рәсмий тонуған

2021-02-22
Share

Таратқуларниң хәвиригә асасланғанда, 22-феврал канада парламенти авам палатасида хитайниң уйғурларға ирқий қирғинчилиқ йүргүзүватқанлиқини етирап қилиш тоғрисидики тәклип лайиһәсигә аваз берилди. Нәтиҗидә хитайниң уйғурларға йүргүзгән бу җинайити 0 гә қарши 266 аваз билән "ирқий қирғинчилиқ" дәп етирап қилинди. Шуниң билән, канада парламенти хитайниң бу җинайитини "ирқий қирғинчилиқ" дәп рәсмий тонуған болди.

Канада парламенти авам палатасиниң хитайниң уйғурларға йүргүзүватқан җинайитини "ирқий қирғинчилиқ" дәп етирап қилиш тоғрисидики қанун лайиһәси 18-феврал канада парламентида пүтүн күн муназирә қилинған болуп, авам палатасидики консерватиплардин болған гарнет гейниюс қатарлиқлар хитайниң җинайитини "ирқий қирғинчилиқ" дәп бекитиштә чиң турған вә көплигән парламент әзалирини қайил қилған. Бу қанун лайиһәсидә канаданиң хитайниң уйғурларға қарши өткүзгән җинайитини америкаға охшаш "ирқий қирғинчилиқ" дәп бекитиш, шундақла хәлқара олимпек комитетиға 2022-йиллиқ қишлиқ олимпек мусабиқисини башқа дөләттә өткүзүшкә илтимас қилиш қатарлиқ мәзмунларни өз ичигә алған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт