Kanada parlaménti xitayning Uyghurlargha yürgüzgen jinayitini "Irqiy qirghinchiliq" dep resmiy tonughan

2021-02-22
Share

Taratqularning xewirige asaslan'ghanda, 22-féwral kanada parlaménti awam palatasida xitayning Uyghurlargha irqiy qirghinchiliq yürgüzüwatqanliqini étirap qilish toghrisidiki teklip layihesige awaz bérildi. Netijide xitayning Uyghurlargha yürgüzgen bu jinayiti 0 ge qarshi 266 awaz bilen "Irqiy qirghinchiliq" dep étirap qilindi. Shuning bilen, kanada parlaménti xitayning bu jinayitini "Irqiy qirghinchiliq" dep resmiy tonughan boldi.

Kanada parlaménti awam palatasining xitayning Uyghurlargha yürgüzüwatqan jinayitini "Irqiy qirghinchiliq" dep étirap qilish toghrisidiki qanun layihesi 18-féwral kanada parlaméntida pütün kün munazire qilin'ghan bolup, awam palatasidiki konsérwatiplardin bolghan garnét géyniyus qatarliqlar xitayning jinayitini "Irqiy qirghinchiliq" dep békitishte ching turghan we köpligen parlamént ezalirini qayil qilghan. Bu qanun layiheside kanadaning xitayning Uyghurlargha qarshi ötküzgen jinayitini amérikagha oxshash "Irqiy qirghinchiliq" dep békitish, shundaqla xelq'ara olimpék komitétigha 2022-yilliq qishliq olimpék musabiqisini bashqa dölette ötküzüshke iltimas qilish qatarliq mezmunlarni öz ichige alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet