Канада баш министири трудо хитай һөкүмитини уйғурларға тутқан муамилисиниң ақивитидин агаһландурди

Мухбиримиз әркин
2021-03-05
Share

Канада баш министири җастин трудо хитайни уйғурларға тутқан муамилисиниң "мумкин болған ақивәтлири" дин агаһландурған. Канададики "йәр шари вә почта" гезитиниң хәвәр қилишичә, баш министер трудо, хитайниң канадада турушлуқ баш әлчиси суң пейву хитайниң уйғурларға ирқий қирғинчилиқ йүргүзгәнлики, мәҗбури әмгәккә салғанлиқи вә юрт маканлиридин көчүргәнликини инкар қилип, арқидинла бу созләрни қилған. Суң пейву 3-март ахбарат йиғини өткүзуп, хитайниң шинҗаңда ирқий қирғинчилиқ қилғанлиқи вә мәҗбурий әмгәкни йолға қойғанлиқи һәққидики пикирләрни "бу әсирдики ялғанчилиқ" дегән иди.

Бирақ трудо чаршәнбә күни мухбирларға "бу тоғрулуқ пүтүн дуня әндишисини ипадиләватиду. Канада парламенти буниңдин бирқанчә һәптә илгири бу җәһәттики әндишилирини наһайити ениқ ипадилиди," дегән. У йәнә "биз хәлқаралиқ иттипақдшлиримиз билән дуня оттуриға қоялайдиған, мумкин болған ақивәтләр даирисидә һәм ениқ бир җавап елиш һәм мәсулийити барларни җавабкарлиққа тартиш үчүн һәмкарлишидиғанлиқимизни қәйт қилимиз," дәп көрсәткән.

Канада парламентиниң авам палатаси техи йеқинда бирдәк аваз билән хитайниң уйғурларға "ирқий қирғинчилиқ" йүргүзиватқанлиқини қобул қилған иди. "йәр шари вә почта" гезитиниң көрситишичә, трудо йәнә бейҗиңға қаритилған һәрқандақ имбаргониң көп тәрәплимилик асаста болуши техиму яхши болидиғанлиқи" ни билдүргән. Трудо бу сөзләрни канада парламентиниң уйғур ирқий қирғинчилиқ қарарини етирап қилиш тоғрисида қаттиқ бесимиға учраватқанда ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт